Bansiacdemy

CPA (Certified Public Accountant) ຫຼື ນັກບັນຊີຮັບອະນຸຍາດ ແມ່ນນັກບັນຊີທີ່ຜ່ານການສອບເສັງ ແລະ ໄດ້ຮັບໃບອະນຸຍາດຢ່າງຖືກຕ້ອງຕາມກົດໝາຍ ຈາກສະພາວິຊາຊີບນັກບັນຊີ ແລະ ກວດສອບອິດສະລະ ຕໍ່ໄປນີ້ແມ່ນ 5 ຄວາມສຳຄັນຂອງ CPA 1. ສ້າງຄວາມນ່າເຊື່ອຖື ເອກະສານລາຍງານການເງິນທີ່ຜ່ານການກວດສອບໂດຍ CPA ຈະມີຄວາມນ່າເຊື່ອຖື ແລະ ຖືກນຳໃຊ້ໄດ້ທັງພາຍໃນ ແລະ ພາຍນອກບໍລິສັດ. 2. ປະຕິບັດຕາມກົດໝາຍ ບໍລິສັດທີ່ມີການລົງທຶນຈົດຈຳນວນຫຼາຍ ຈຳເປັນຕ້ອງໃຫ້ CPA ກວດສອບເອກະສານລາຍງານການເງິນ. 3. ຊ່ວຍເສີມຄວາມໂປ່ງໃສໃນສັງຄົມ ແລະ ລະບົບເສດຖະກິດ CPA ຊ່ວຍປ້ອງກັນການປອມແປງ ແລະ ເສີມຄວາມໂປ່ງໃສໃນການເງິນຂອງທຸລະກິດ ແລະ ຊ່ວຍປະເມີນຄວາມສ່ຽງທາງດ້ານການເງິນ, ການດຳເນີນງານ ແລະ ການປະຕິບັດຕາມລະບຽບການທີ່ກ່ຽວຂ້ອງ 4. ໂອກາດດ້ານອາຊີບ ຜູ້ທີ່ມີ CPA ສາມາດເຮັດວຽກໃນບໍລິສັດ ທີ່ປຶກສາບັນຊີ, ກວດສອບບັນຊີ, ບໍລິສັດເອກະຊົນ, ພາກລັດ ຫຼື ເປີດສຳນັກງານບັນຊີ ຫຼື ກວດສອບຂອງຕົນເອງໄດ້. 5. ມາດຕະຖານສາກົນ ການມີ CPA ເປັນຫຼັກປະກັນວ່າ ນັກບັນຊີມີຄວາມຮູ້, ຄວາມສາມາດ ແລະ ຈິດສຳນຶກວິຊາຊີບຕາມມາດຕະຖານທີ່ຖືກຍອມຮັບ ເຊິ່ງກ້າວສູ່ມາດຕະຖານສາກົນໄດ້

IRR (Internal Rate of Return) ເປັນຕົວຊີ້ວັດທາງການເງິນທີ່ໃຊ້ສຳລັບການວິເຄາະຄວາມຄຸ້ມຄ່າຂອງໂຄງການລົງທຶນ ໂດຍມັນຊ່ວຍໃຫ້ເຮົາເຂົ້າໃຈປະເດັນສຳຄັນຕ່າງໆ ດັ່ງນີ້: 1. ຄວາມສາມາດໃນການສ້າງກຳໄລຂອງໂຄງການ IRR ສະແດງໃຫ້ເຫັນອັດຕາຜົນຕອບແທນທີ່ໂຄງການສາມາດສ້າງໄດ້ ເຊິ່ງຊ່ວຍໃຫ້ຕັດສິນໃຈວ່າໂຄງການມີຄວາມສາມາດພຽງພໍທີ່ຈະລົງທຶນຫຼືບໍ່. ຕົວຢ່າງ: ຄວາມສາມາດໃນການສ້າງກຳໄລຂອງໂຄງການສົມມຸດວ່າທ່ານມີໂຄງການສ້າງໂຮງງານຜະລິດນ້ຳດື່ມ ແລະ IRR ທີ່ຄຳນວນໄດ້ຄື 15%. ນີ້ສະແດງວ່າໂຄງການສາມາດສ້າງຜົນຕອບແທນໄດ້ 15% ຕໍ່ປີ ຊຶ່ງທ່ານສາມາດນຳໄປພິຈາລະນາວ່າມັນພຽງພໍຕໍ່ເປົ້າໝາຍການລົງທຶນຂອງທ່ານຫຼືບໍ່. 2. ການປຽບທຽບກັບຕົ້ນທຶນເງິນທຶນ (Cost of Capital) ຖ້າອັດຕາ IRR ສູງກວ່າຕົ້ນທຶນເງິນທຶນຂອງບໍລິສັດ ມັນສະແດງວ່າໂຄງການມີຄວາມຄຸ້ມຄ່າທີ່ຈະລົງທຶນ. ແຕ່ຖ້າຕໍ່າກວ່າ ກໍຄວນພິຈາລະນາວ່າບໍ່ຄວນລົງທຶນ. ຕົວຢ່າງ: ການປຽບທຽບກັບຕົ້ນທຶນເງິນທຶນຖ້າບໍລິສັດຂອງທ່ານມີຕົ້ນທຶນເງິນທຶນ 10% ແລະ IRR ຂອງໂຄງການແມ່ນ 12% ການລົງທຶນໃນໂຄງການນີ້ຈະມີຄວາມຄຸ້ມຄ່າ ເພາະມັນສ້າງຜົນຕອບແທນໄດ້ສູງກວ່າຕົ້ນທຶນ. ແຕ່ຖ້າ IRR ພຽງ 8% ກໍຄວນປະຕິເສດໂຄງການນີ້. 3. ການປຽບທຽບລະຫວ່າງໂຄງການ IRR ສາມາດໃຊ້ເພື່ອປຽບທຽບໂຄງການທີ່ມີລັກສະນະຄ້າຍຄືກັນໄດ້ ໂດຍໂຄງການທີ່ມີ IRR ສູງກວ່າມັກຈະເປັນທາງເລືອກທີ່ດີກວ່າ. ຕົວຢ່າງ: ການປຽບທຽບລະຫວ່າງໂຄງການສົມມຸດວ່າທ່ານມີໂຄງການ 2 ໂຄງການ: ໂຄງການ A ມີ IRR 18% ແລະ ໂຄງການ B ມີ IRR 14%. ຖ້າທັງສອງໂຄງການມີຄວາມສ່ຽງທີ່ຄ້າຍຄືກັນ ໂຄງການ A ຈະເປັນທາງເລືອກທີ່ດີກວ່າ ເພາະມັນສ້າງຜົນຕອບແທນໄດ້ສູງກວ່າ. 4. ໄລຍະເວລາຄືນທຶນ ເຖິງວ່າ IRR ຈະບໍ່ບອກໄລຍະເວລາຄືນທຶນໂດຍກົງກໍຕາມ ແຕ່ຖ້າຄ່າ IRR ສູງກໍມັກຈະສະແດງວ່າການຄືນທຶນຈະເກີດຂຶ້ນໄວກວ່າ. 5. ຄວາມສ່ຽງ ແລະ ຄວາມບໍ່ແນ່ນອນຂອງໂຄງການ ຖ້າ IRR ຂອງໂຄງການຢູ່ໃກ້ກັບຕົ້ນທຶນເງິນທຶນຫຼາຍເກີນໄປ ມັນສະແດງວ່າໂຄງການມີຄວາມສ່ຽງສູງ ເພາະຜົນຕອບແທນທີ່ໄດ້ຮັບອາດຈະບໍ່ຄຸ້ມຄ່າກັບຄວາມສ່ຽງ. ຕົວຢ່າງ: ຄວາມສ່ຽງ ແລະ ຄວາມບໍ່ແນ່ນອນຂອງໂຄງການຖ້າໂຄງການຜະລິດໄຟຟ້າຈາກແສງຕາເວັນມີ IRR 11% ແລະ ຕົ້ນທຶນເງິນທຶນຂອງທ່ານແມ່ນ 10% ໂຄງການນີ້ມີຄວາມສ່ຽງສູງ ດັ່ງນັ້ນ, IRR ຈຶ່ງເປັນເຄື່ອງມືທີ່ສຳຄັນໃນການຕັດສິນໃຈລົງທຶນ ແຕ່ກໍຄວນໃຊ້ຄຽງຄູ່ກັບຕົວຊີ້ວັດອື່ນໆ ເຊັ່ນ NPV (Net Present Value) ເພື່ອໃຫ້ການປະເມີນຜົນໂຄງການມີຄວາມແມ່ນຍຳຫຼາຍຂຶ້ນ.

CPA (Certified Public Accountant) ຫຼື ນັກບັນຊີຮັບອະນຸຍາດ ແມ່ນນັກບັນຊີທີ່ຜ່ານການສອບເສັງ ແລະ ໄດ້ຮັບໃບອະນຸຍາດຢ່າງຖືກຕ້ອງຕາມກົດໝາຍ ຈາກສະພາວິຊາຊີບນັກບັນຊີ ແລະ ກວດສອບອິດສະລະ ຕໍ່ໄປນີ້ແມ່ນ 5 ຄວາມສຳຄັນຂອງ CPA 1. ສ້າງຄວາມນ່າເຊື່ອຖື ເອກະສານລາຍງານການເງິນທີ່ຜ່ານການກວດສອບໂດຍ CPA ຈະມີຄວາມນ່າເຊື່ອຖື ແລະ ຖືກນຳໃຊ້ໄດ້ທັງພາຍໃນ ແລະ ພາຍນອກບໍລິສັດ. 2. ປະຕິບັດຕາມກົດໝາຍ ບໍລິສັດທີ່ມີການລົງທຶນຈົດຈຳນວນຫຼາຍ ຈຳເປັນຕ້ອງໃຫ້ CPA ກວດສອບເອກະສານລາຍງານການເງິນ. 3. ຊ່ວຍເສີມຄວາມໂປ່ງໃສໃນສັງຄົມ ແລະ ລະບົບເສດຖະກິດ CPA ຊ່ວຍປ້ອງກັນການປອມແປງ ແລະ ເສີມຄວາມໂປ່ງໃສໃນການເງິນຂອງທຸລະກິດ ແລະ ຊ່ວຍປະເມີນຄວາມສ່ຽງທາງດ້ານການເງິນ, ການດຳເນີນງານ ແລະ ການປະຕິບັດຕາມລະບຽບການທີ່ກ່ຽວຂ້ອງ 4. ໂອກາດດ້ານອາຊີບ ຜູ້ທີ່ມີ CPA ສາມາດເຮັດວຽກໃນບໍລິສັດ ທີ່ປຶກສາບັນຊີ, ກວດສອບບັນຊີ, ບໍລິສັດເອກະຊົນ, ພາກລັດ ຫຼື ເປີດສຳນັກງານບັນຊີ ຫຼື ກວດສອບຂອງຕົນເອງໄດ້. 5. ມາດຕະຖານສາກົນ ການມີ CPA ເປັນຫຼັກປະກັນວ່າ ນັກບັນຊີມີຄວາມຮູ້, ຄວາມສາມາດ ແລະ ຈິດສຳນຶກວິຊາຊີບຕາມມາດຕະຖານທີ່ຖືກຍອມຮັບ ເຊິ່ງກ້າວສູ່ມາດຕະຖານສາກົນໄດ້

ໃນວັນທີ 2 ກັນຍາ 2025, ກະຊວງອຸດສາຫະກຳ ແລະ ການຄ້າ ໄດ້ລົງນາມເອກະສານ MOU ກັບ ບໍລິສັດ ຊີພີ ອໍລ໌ ລາວ ເພື່ອຮ່ວມມືຈັດຕັ້ງໂຄງການສິນຄ້າລາວກ້າວສູ່ມາດຕະຖານສາກົນ ມີທ່ານນາງ ມະນີວອນ ວົງໄຊ ເປັນຫົວໜ້າກົມ ແລະ ທ່ານ ສັນຕິສຸກ ພູນສະຫວັດ ເປັນຫົວໜ້າກົມການຄ້າພາຍໃນ ຄຽງໄປກັບ ທ່ານ ທາຕີ ຈິຣະບັນຈົງຈິດ, Managing Director ຂອງ ບໍລິສັດ ຊີພີ ອໍລ໌ ລາວ. ເປົາໝາຍຂອງໂຄງການ ຄືການຍົກລະດັບຄຸນນະພາບ ແລະ ມາດຕະຖານຂອງສິນຄ້າເດັ່ນ, ເພື່ອເປີດໂອກາດຈຳໜ່າຍສິນຄ້າລາວໃນຕະຫຼາດໃນແບບກວ້າງຂວາງ ແລະ ສ້າງວຽກເຮັດ, ອາຊີບ, ແລະ ລາຍໄດ້ໃຫ້ກັບຜູ້ປະກອບການແລະຜູ້ຜະລິດໃນປະເທດ. ທ່ານນາງ ມະນີວອນ ວົງໄຊ ເລີ່ມກ່າວວ່າ ກົມສົ່ງເສີມຈຸນລະວິສາຫະກິດ (ວິສາຫະກິດຂະໜາດນ້ອຍ ແລະ ກາງ) ເປັນກົມທີ່ພັດທະນາຜູ້ປະກອບການ, ສິນຄ້າ, ການຜະລິດ, ຄຸນນະພາບ, ພັດທະນາສິນຄ້າ, ຫັດຖະກຳ ແລະ ສົ່ງເສີມການເຂົ້າເຖິງແຫຼ່ງທຶນ. ຜົນປະໂຫຍດຂອງໂຄງການ ແມ່ນການຍົກລະດັບຄຸນນະພາບການຜະລິດ, ປັບປຸງຄຸນນະພາບສິນຄ້າ, ຂະຫຍາຍຕະຫຼາດ, ແລະ ເປັນໂອກາດສ້າງຄວາມສາມາດໃນການແຂ່ງຂັນ. ການຮ່ວມມືລະຫວ່າງພາກລັດ ແລະ ທຸລະກິດຈະເປັນຕົ້ນທຳໃນການນຳສິນຄ້າລາວເຂົ້າສູ່ຕະຫຼາດໃນແລະຕ່າງປະເທດ. ປັດຈຸບັນ, ສປປ ລາວ ມີ ອີເລຟເວັ່ນ 19 ສາຂາ ໃນແຂວງຕ່າງໆ ຊ່ວຍໃຫ້ຜູ້ທ່ອງທ່ຽວແລະຜູ້ບໍລິສັດສາມາດເຂົ້າຖືກເສັງສິນຄ້າລາວທ້ອງຖິ່ນໄດ້ຢ່າງຊັດເຈນ, ຊ່ວຍເສີມການເຕີບໂຕທາງເສດຖະກິດຢ່າງຍືນຍົງ.

ນັກສຶກສາທີ່ເລືອກຮຽນ ສາຍບໍລິຫານທຸລະກີດ ຄວນລົງເລິກຝຶກຜົນ 7 ດ້ານນີ້ ເພື່ອໃຫ້ເກີດປະໂຫຍດທີ່ສຸດ ເພື່ອນຳມາໃຊ້ຕົວຈິງ ເຊິ່ງໄດ້ແກ່: 1. ການຈັດການ ແລະ ການວາງແຜນ (Management & Strategy) ການວາງແຜນທຸລະກິດທັ້ງລະຍະສັ້ນ ແລະ ລະຍະຍາວ, ການຈັດໂຄງສ້າງອົງກອນ ແລະ ການມອບໝາຍວຽກງານ, ການບໍລິຫານເວລາ ແລະ ຊັບພະຍາກອນ 2. ການເງິນ ແລະ ບັນຊີ (Finance & Accounting) ການວິເຄາະການເງິນ ເຊັ່ນ: ຜົນການດຳເນີນງານ, ຖານະການເງິນ ແລະ ກະແສເງິນສົດ ເພື່ອສາມາດປະເມີນຄວາມສ່ຽງ ແລະ ສັກກະຍະພາບຂອງທຸລະກິດ ເຊິ່ງຈະຊ່ວຍໃຫ້ສາມາດກຳນົດທິດທາງແກ້ໄຂ, ປັບປຸງ ດ້ານອ່ອນ ຫຼື ເສີມຂະຫຍາຍຈຸດແຂງຂອງຕົນ. ການບໍລິຫານຕົ້ນທຶນ ແລະ ກໍາໄລ ເພື່ອສາມາດຄວບຄຸມຕົ້ນທຶນໃຫ້ມີປະສິດທິຜົນ ແລະ ທີ່ຂາດບໍ່ໄດ້ກໍຄືເລື່ອງການວາງແຜນພາສີອາກອນ ແລະ ເງິນທຶນໝູນວຽນ ຂອງອົງກອນໃຫ້ພຽງພໍກັບການດຳເນີນ ຫຼື ຂະຫຍາຍທຸລະກິດ. 3. ການຕະຫຼາດ ແລະ ລູກຄ້າ (Marketing & Customer Insight) ຄວນສຶກສາດ້ານການວິເຄາະຕະຫຼາດ ແລະ ພຶດຕິກຳຜູ້ບໍລິໂພກ, ຍຸທະສາດການສ້າງ Branding ແລະ ການສື່ສານການຕະຫຼາດ ລວມທັງການເບິ່ງແຍງ ແລະ ຮັກສາລູກຄ້າ (CRM) ໃຫ້ມີປະສິດທິຜົນ ເພື່ອເພີ່ມໂອກາດໃນສ່ວນແບ່ງຕະຫຼາດໃຫ້ສູງຂຶ້ນ 4. ບຸກຄະລາກອນ (Human Resource Management – HRM) ຄວນສຶກສາກ່ຽວກັບ ວິທີການຮັບເຂົ້າ ແລະ ການພັດທະນາພະນັກງານ, ການສ້າງແຮງຈູງໃຈ ແລະ ວັດທະນະທໍາອົງກອນ, ການປະເມີນຜົນງານ ແລະ ການບໍລິຫານທີມງານ 5. ການປະຕິບັດງານ ແລະ ໂລຈິສຕິກ (Operations & Logistics) ຄວນລົງເລິກສຶກສາກ່ຽວກັບ ການວາງລະບົບວຽກງານໃຫ້ມີປະສິດທິພາບ, ການຈັດການຊັບພະຍາກອນສິນຄ້າ ແລະ ຮ່ວງໂສ້ອຸປະທານ, ການຄວບຄຸມຄຸນນະພາບສິນຄ້າ ແລະ ການບໍລິການ 6. ເທັກໂນໂລຊີ ແລະ ນະວັດຕະກໍາ (Technology & Innovation) ຄືການສຶກສາ ການໃຊ້ຊອບແວ/ລະບົບ ERP ຫຼື ໂປຣແກຣມບັນຊີ, ການເຮັດ Digital Transformation (ການຕະຫຼາດອອນລາຍ, AI, Big Data), ການພັດທະນາສິນຄ້າ ແລະ ບໍລິການໃຫມ່ໃຫ້ສອດຄ່ອງກັບຄວາມຕ້ອງການຕະຫຼາດ 7. ກົດໝາຍ ແລະ ການຄຸ້ມຄອງຕາມລະບຽບການ (Legal & Compliance) ຄວນສຶກສາກ່ຽວກັບ ຄວາມຮູ້ກ່ຽວກັບກົດໝາຍທຸລະກິດ, ສ່ວຍສາອາກອນ, ພາສີ, ແຮງງານ ແລະ ກົດໝາຍອື່ນໆທີ່ຕິດພັນກັບທຸລະກິດ ເຊັ່ນ: ການປົກປ້ອງຊັບສິນທາງປັນຍາ (IP), ການເຮັດສັນຍາ ແລະ ການປ້ອງກັນຄວາມສ່ຽງທາງ ກົດໝາຍ

ການສ້າງຕາຕະລາງ ຄິດໄລ່ເງິນເດືອນ ເງິນປະກັນສັງຄົມ ແລະ ອາກອນເງິນເດືອນ ທີ່ຕ້ອງຈ່າຍ ປະຈຳເດືອນ ຄື Part1 (ເປີດເລື່ອງ)

ຕົວຢ່າງ ການກະກຽມຂໍ້ມູນ ຫລື ໄຟຄິດໄລ່ ເງິນເດືອນ ເພື່ອແຈ້ງເຂົ້າລະບົບ TaxRis

ກິດຈະກຳດຳເນີນງານ ແມ່ນກິດຈະກຳຕົ້ນຕໍຂອງວິສາຫະກິດ ທີ່ສ້າງລາຍຮັບ. ສະນັ້ນ, ກະແສເງິນສົດ ທີ່ກຳເນີດຈາກ ກິດຈະກຳດຳເນີນງານໂດຍທົ່ວໄປມາຈາກລາຍການເຄື່ອນໄຫວ ແລະ ເຫດການ ແລະ ເງື່ອນໄຂອື່ນໆ ທີ່ເກີດຂຶ້ນໃນ ການຄິດໄລກຳໄລ ຫຼື ຂາດທຶນ.ຕົວຢ່າງ ຂອງກະແສເງິນສົດ ທີ່ມາຈາກກິດຈະກໍາດໍາເນີນງ

ເຕັກນິກການກວດສອບ ໃບເກັບເງິນອາກອນທີ່ຖືກຕ້ອງ ມີວິທີການກວດສອບດັ່ງນີ້ Part -1

ງົບປະມານການລົງທຶນເປັນຂະບວນການວາງແຜນລາຍຈ່າຍ ຫຼື ການລົງທຶນທີ່ຄາດວ່າຈະກໍ່ໃຫ້ເກີດຜົນ ໃນອະນາຄົດ. ງົບປະມານການລົງທຶນມີຄວາມແຕກຕ່າງກັບລາຍຈ່າຍດໍາເນີນງານ (Operating Expenditures)ທີ່ສຳຄັນກໍຄື …