Bansiacdemy

ສ່ວຍສາອາກອນ ແລະ ພາສີ ຄືກັນ ຫລື ຕ່າງກັນແນວໃດ?

ຖ້າເວົ້າເຖິງ ຜູ້ປະກອບການ ຫຼື ເຈົ້າຂອງທຸລະກິດ ບໍ່ວ່າຈະເປັນທຸລະກິດນ້ອຍ ຫຼື ໃຫຍ່ ສິ່ງທີ່ຕ້ອງມີແທ້ໆ ຄື ທັກສະທີ່ຊ່ວຍໃຫ້ຢູ່ລອດໄດ້ໃນໄລຍະຍາວ ໂດຍມີ 3 ຂໍ້ທີ່ເປັນຫຼັກທີ່ສຳຄັນທີ່ສຸດ ດັ່ງນີ້: 3 ທັກສະນີ້ໄດ້ແກ່: 1. ການເງິນ → ຮັກສາເລືອດຂອງທຸລະກິດ 2. ຄົນ ແລະ ທີມ → ສ້າງກ້າມເນື້ອໃຫ້ທຸລະກິດເຕີບໂຕ 3. ຍຸທະສາດ ແລະ ການແກ້ບັນຫາ → ເປັນສະໝອງທີ່ນຳພາທຸລະກິດໄປຖືກທິດ ແລະ ເປົ້າໝາຍກຳນົດ. ເພື່ອໃຫ້ເຫັນພາບລະອຽດຂຶ້ນ ຈະຂໍຂະຫຍາຍຄວາມດັ່ງນີ້: 1. ທັກສະການຄຸ້ມຄອງການເງິນ (Financial Management) ຮູ້ຈັກການວາງແຜນກະແສເງິນສົດ (Cash Flow), ແຍກໃຫ້ອອກລະຫວ່າງ ກຳໄລ ກັບ ເງິນສົດທີ່ໝູນວຽນຢູ່ໃນທຸລະກິດ, ຕັດສິນໃຈກ່ຽວກັບການລົງທຶນ, ກູ້ຢືມ, ຫຼື ຊຳລະໜີ້ດ້ວຍເຫດຜົນ ແລະ ເຂົ້າໃຈຕົວເລກພື້ນຖານທາງການເງິນ ເຊັ່ນ: ກຳໄລຂັ້ນຕົ້ນ (Gross Profit), ຈຸດຄຸ້ມທຶນ (Break-even) ແລະ ຜົນຕອບແທນຈາກການລົງທຶນ (ROI) ເປັນຕົ້ນ. - ເພາະທຸລະກິດຫຼາຍແຫ່ງລົ້ມເຫຼວ ບໍ່ແມ່ນຍ້ອນ “ຂາຍບໍ່ໄດ້” ແຕ່ຍ້ອນ “ເງິນສົດໝູນບໍ່ທັນ” 2. ທັກສະການບໍລິຫານຄົນ ແລະ ທີມງານ (People & Leadership Skills) ຈັດສັນໃຫ້ຄົນຢູ່ໃນຕຳແໜ່ງທີ່ເໝາະສົມ (Right People, Right Job), ສ້າງແຮງຈູງໃຈ ແລະ ຄວາມຜູກພັນໃຫ້ກັບທີມງານ, ສື່ສານຢ່າງຊັດເຈນ ເພື່ອຫຼຸດຜ່ອນຄວາມເຂົ້າໃຈຜິດ ແລະ ກ້າມອບໝາຍ ແລະ ໄວ້ວາງໃຈທີມງານ. - ເຈົ້າຂອງທຸລະກິດທີ່ເຮັດທຸກຢ່າງດ້ວຍຕົນເອງຈະເມື່ອຍເກີນໄປ ແລະ ອາດສູນເສຍທິດທາງແບບບໍ່ຮູ້ໂຕ ດ້ວຍເຫດນັ້ນ ການສ້າງທີມ ແລະ ລະບົບທີ່ດີ ຄືຫົວໃຈຂອງການຂະຫຍາຍທຸລະກິດ. 3. ທັກສະການຄິດແບບກົນລະຍຸດ ແລະ ແກ້ບັນຫາ (Strategic Thinking & Problem Solving) ເບິ່ງໃຫ່ເຫັນພາບລວມ ແລະ ແນວໂນ້ມຂອງຕະຫຼາດ ຫຼື ຄູ່ແຂ່ງ, ຄິດວິເຄາະໂອກາດ ແລະ ຄວາມສ່ຽງກ່ອນຕັດສິນໃຈ, ປັບຕົວໄດ້ໄວເມື່ອສະຖານະການປ່ຽນແປງ ແລະ ໃຊ້ຂໍ້ມູນ (Data-driven) ຫຼາຍກວ່າຄວາມຮູ້ສຶກ. - ທຸລະກິດປ່ຽນແປງໄວຫຼາຍ. ຖ້າຂາດການເບິ່ງອະນາຄົດ ແລະ ການວາງແຜນທີ່ດີ ກໍຈະຖືກຕະຫຼາດປະໄວ້ຂ້າງຫຼັງ.

ບໍລິສັດທ່ານເຄີຍເປັນບໍ່ ຊື້ເຄື່ອງແລ້ວບໍ່ມີບິນອາກອນມາລົງບັນຊີ ພໍຖືກໄລ່ລຽງແລ້ວ ບໍ່ສາມາດລົງເປັນລາຍຈ່າຍທາງອາກອນໄດ້ ແລ້ວເຮັດໃຫ້ເສຍອາກອນກຳໄລສູງຂຶ້ນ ມີຂອງແຖມເປັນຄ່າປັບໄໝ 50% ຖ້າທ່ານບໍ່ມີບິນອາກອນມາລົງບັນຊີ ໃນກົດໝາຍກຳນົດໄວ້ຊັດເຈນວ່າ ບໍ່ສາມາດຮັບຮູ້ເປັນລາຍຈ່າຍທາງອາກອນໄດ້. ດັ່ງນັ້ນ, ຈຶ່ງຖືກເກັບອອກຈາກລາຍຈ່າຍທາງອາກອນ ສົມມຸດວ່າ: ມີລາຍຮັບ = 1000 ລາຍຈ່າຍ = 800 ກຳໄລ = 200 ອາກອນກຳໄລຄວນເທົ່າ= 200*20% =40 ແຕ່ຖ້າໃນການກວດກາ ເຫັນວ່າ ລາຍຈ່າຍບໍ່ມີບິນອາກອນເຄິ່ງໜຶ່ງ = 400 ຈະຖືກເກັບອອກ ສະນັ້ນ, ອາກອນກຳໄລຈະຖືກຄິດໄລ່ໃໝ່ = ກຳໄລກ່ອນອາກອນ + ລາຍຈ່າຍທີ່ບໍ່ອະນຸຍາດ ອາກອນກຳໄລ = (200 + 400)*20%=120 ເຊິ່ງມອບແລ້ວ ຕ້ອງໄດ້ມອບຕື່ມ = 120-40 =80 ແລະ ຂະນະດຽວກັນກໍຈະຖືກປັບໄໝອີກ 80*50%=40 ດັ່ງນັ້ນ. ບໍລິສັດ ຫລື ວິສາຫະກິດ ຄວນມີສະຕິໃນການເກັບບິນ ຫລື ໃບເກັບເງິນອາກອນ ໃນການດຳເນີນທຸລະກິດ ເດີ

ການລົງບັນຊີຈັດຊື້ ກໍລະນີ ລາຄາລວມອາກອນ, ບໍ່ລວມອາກອນ, ອາກອນທ້າຍບິນ ແລະ ລວມເປັນຕົ້ນທຶນ ຕ່າງກັນແນວໃດ

ອັດຕາສ່ວນທາງການເງິນ (Financial Ratios)

ການປະກອບເອກະສານຂໍໃບອະນຸຍາດນໍາເຂົ້າຊົ່ວຄາວ ແລະ ສົ່ງອອກຄືນ ພາຫະນະທາງບົກ ເລກທີ 3239/ຫກ ນະຄອນຫຼວງວຽງຈັນ, ວັນທີ 11 ພະຈິກ 2025

ບໍລິສັດ ລວຍຈິງໆ ຈໍາກັດ ໃນວັນ 20 ທັນວາ ປີ n ພະແນກຝ່າຍຂາຍ ໄດ້ແຈ້ງໃຫ້ຜູ້ບໍລິຫານ ຂອງບໍລິສັດຊາບວ່າ ສິນຄ້າທີ່ໄດ້ສົ່ງມອບໃຫ້ລູກຄ້າ ຈໍານວນໜຶ່ງມີບັນຫາ ແລະ ຈະຕ້ອງຖືກປັບໃໝ ເປັນມູນຄ່າ 10.000.000 ກີບ, ຮອດທ້າຍປີ ຄ່າປັບໃໝຍັງບໍ່ທັນໄດ້ຈ່າຍ ຍ້ອນບໍ່ທັນໄດ້ຮັບການແຈ້ງຈາກລູກຄ້າ

ຫຼັກການ CAMPARI ໃນການວິເຄາະຄຸນນະພາບໃນການຂໍສິນເຊື່ອ ໂດຍພິຈາລະນາເຖິງປັດໄຈຕ່າງໆຂອງຜູ້ຂໍສິນເຊື່ອ ປະກອບດ້ວຍປັດໄຈຕ່າງໆ 7 ປະການດັ່ງນີ້ :

ຄວາມໝາຍຂອງອັດຕາສ່ວນປະສິດທິພາບ (Efficiency Ratios) ແມ່ນຫຍັງ ທາງ Bansi Academy ຈະເລົ່າສູ່ຟັງ: ອັດຕາສ່ວນປະສິດທິພາບ ແມ່ນກຸ່ມຕົວຊີ້ວັດທາງການເງິນທີ່ໃຊ້ວັດແທກວ່າທຸລະກິດໃຊ້ຊັບພະຍາກອນ (ເຊັ່ນ: ສິນຄ້າໃນສາງ, ລູກໜີ້, ຊັບສິນຕ່າງໆ) ມີປະສິດທິພາບສູງພຽງໃດໃນການສ້າງລາຍຮັບ ຫຼື ກຳໄລ. ເວົ້າແບບງ່າຍໆ = ມັນສະແດງໃຫ້ເຫັນວ່າທຸລະກິດໃຊ້ສິ່ງທີ່ມີຢູ່ໄດ້ຄຸ້ມຄ່າປານໃດ. ອັດຕາສ່ວນທີ່ສຳຄັນໄດ້ແກ່: (1) ອັດຕາສ່ວນການຫມູນວຽນສິນຄ້າຄົງຄັງ (Inventory Turnover Ratio) ສູດ ອັດຕາສ່ວນການຫມູນວຽນສິນຄ້າຄົງຄັງ} = ຕົ້ນທຶນຂາຍ (COGS)/ສິນຄ້າຄົງຄັງສະເລ່ຍ ບອກຫຍັງ? ວັດແທກວ່າສິນຄ້າຄົງຄັງຖືກຂາຍອອກໄວປານໃດ (ຂາຍໄດ້ຈັກຮອບຕໍ່ປີ). - ຖ້າຄ່າສູງ → ສິນຄ້າຫມູນວຽນໄວ, ບໍ່ມີສິນຄ້າຄ້າງສາງ. - ຖ້າຄ່າຕ່ຳ → ອາດເກັບສິນຄ້າໄວ້ດົນ, ເຮັດໃຫ້ເງິນຈົມ. ຕົວຢ່າງ ຕົ້ນທຶນຂາຍ (COGS) = 1,200,000 ກີບ/ປີ ສິນຄ້າຄົງຄັງສະເລ່ຍ = 300,000 ກີບ ອັດຕາສ່ວນການຫມູນວຽນສິນຄ້າຄົງຄັງ = 1,200,000 ÷ 300,000 = 4 ຮອບ/ປີ ໝາຍຄວາມວ່າ: ສິນຄ້າຖືກຂາຍ ແລະ ຫມູນວຽນ 4 ຄັ້ງຕໍ່ປີ, ຫຼື ປະມານທຸກໆ 3 ເດືອນ. (2) ອັດຕາສ່ວນການຫມູນວຽນຊັບສິນລວມ (Asset Turnover Ratio) ສູດ ອັດຕາສ່ວນການຫມູນວຽນຊັບສິນລວມ = ຍອດຂາຍສຸທິ (Net Sales)/ຊັບສິນລວມສະເລ່ຍ ບອກຫຍັງ? ວັດແທກວ່າທຸລະກິດໃຊ້ຊັບສິນທີ່ມີຢູ່ສ້າງຍອດຂາຍໄດ້ຄຸ້ມຄ່າປານໃດ. - ຖ້າຄ່າສູງ → ໃຊ້ຊັບສິນມີປະສິດທິພາບດີ. - ຖ້າຄ່າຕ່ຳ → ອາດລົງທຶນໃນຊັບສິນຫຼາຍເກີນໄປ ແຕ່ສ້າງຍອດຂາຍໄດ້ໜ້ອຍ. ຕົວຢ່າງ ຍອດຂາຍສຸທິ = 5,000,000 ກີບ/ປີ ຊັບສິນລວມສະເລ່ຍ = 2,500,000 ກີບ ອັດຕາສ່ວນການຫມູນວຽນຊັບສິນລວມ = 5,000,000 ÷ 2,500,000 = 2 ໝາຍຄວາມວ່າ: ທຸລະກິດໃຊ້ຊັບສິນ 1 ກີບ ສ້າງຍອດຂາຍໄດ້ 2 ກີບ. ລວມຄວາມແລ້ວ ອັດຕາສ່ວນການຫມູນວຽນສິນຄ້າໃນສາງ → ສະແດງໃຫ້ເຫັນວ່າສິນຄ້າໃນສາງຫມູນວຽນໄວປານໃດ. ອັດຕາສ່ວນການຫມູນວຽນຊັບສິນລວມ → ສະແດງໃຫ້ເຫັນວ່າຊັບສິນຂອງບໍລິສັດຖືກໃຊ້ສ້າງຍອດຂາຍໄດ້ຄຸ້ມຄ່າປານໃດ. ທັງສອງອັດຕາສ່ວນນີ້ຊ່ວຍໃຫ້ຜູ້ບໍລິຫານຮູ້ວ່າ “ການໃຊ້ຊັບພະຍາກອນມີປະສິດທິພາບພຽງພໍ” ຫຼື ຕ້ອງປັບປຸງໃນການເລັ່ງຂາຍ, ຫຼຸດຕົ້ນທຶນ ຫຼື ປັບການໃຊ້ຊັບສິນ.

ການເຊົ່າຊັບສິນເປັນອີກວິທີໜຶ່ງ ທີ່ຈະເຮັດໃຫ້ທຸລະກິດສາມາດໄດ້ຊັບສົມບັດດວ້ຍການ ເຊົ່າເຊັ່ນ: ທີ່ດິນ, ເຄື່ອງ ຈັກ, ອຸປະກອນຕ່າງໆ ມາຮັບໃຊ້ໃນການດໍາເນີນງານໂດຍບໍ່ຕ້ອງຈ່າຍເງິນລົງທຶນເປັນຈຳນວນຫຼວງຫຼາຍ,