Bansiacdemy

ສ່ວຍສາອາກອນ ແລະ ພາສີ ຄືກັນ ຫລື ຕ່າງກັນແນວໃດ?

ບໍລິສັດທ່ານເຄີຍເປັນບໍ່ ຊື້ເຄື່ອງແລ້ວບໍ່ມີບິນອາກອນມາລົງບັນຊີ ພໍຖືກໄລ່ລຽງແລ້ວ ບໍ່ສາມາດລົງເປັນລາຍຈ່າຍທາງອາກອນໄດ້ ແລ້ວເຮັດໃຫ້ເສຍອາກອນກຳໄລສູງຂຶ້ນ ມີຂອງແຖມເປັນຄ່າປັບໄໝ 50% ຖ້າທ່ານບໍ່ມີບິນອາກອນມາລົງບັນຊີ ໃນກົດໝາຍກຳນົດໄວ້ຊັດເຈນວ່າ ບໍ່ສາມາດຮັບຮູ້ເປັນລາຍຈ່າຍທາງອາກອນໄດ້. ດັ່ງນັ້ນ, ຈຶ່ງຖືກເກັບອອກຈາກລາຍຈ່າຍທາງອາກອນ ສົມມຸດວ່າ: ມີລາຍຮັບ = 1000 ລາຍຈ່າຍ = 800 ກຳໄລ = 200 ອາກອນກຳໄລຄວນເທົ່າ= 200*20% =40 ແຕ່ຖ້າໃນການກວດກາ ເຫັນວ່າ ລາຍຈ່າຍບໍ່ມີບິນອາກອນເຄິ່ງໜຶ່ງ = 400 ຈະຖືກເກັບອອກ ສະນັ້ນ, ອາກອນກຳໄລຈະຖືກຄິດໄລ່ໃໝ່ = ກຳໄລກ່ອນອາກອນ + ລາຍຈ່າຍທີ່ບໍ່ອະນຸຍາດ ອາກອນກຳໄລ = (200 + 400)*20%=120 ເຊິ່ງມອບແລ້ວ ຕ້ອງໄດ້ມອບຕື່ມ = 120-40 =80 ແລະ ຂະນະດຽວກັນກໍຈະຖືກປັບໄໝອີກ 80*50%=40 ດັ່ງນັ້ນ. ບໍລິສັດ ຫລື ວິສາຫະກິດ ຄວນມີສະຕິໃນການເກັບບິນ ຫລື ໃບເກັບເງິນອາກອນ ໃນການດຳເນີນທຸລະກິດ ເດີ

ການລົງບັນຊີຈັດຊື້ ກໍລະນີ ລາຄາລວມອາກອນ, ບໍ່ລວມອາກອນ, ອາກອນທ້າຍບິນ ແລະ ລວມເປັນຕົ້ນທຶນ ຕ່າງກັນແນວໃດ

ອັດຕາສ່ວນທາງການເງິນ (Financial Ratios)

ບໍລິສັດ ລວຍຈິງໆ ຈໍາກັດ ໃນວັນ 20 ທັນວາ ປີ n ພະແນກຝ່າຍຂາຍ ໄດ້ແຈ້ງໃຫ້ຜູ້ບໍລິຫານ ຂອງບໍລິສັດຊາບວ່າ ສິນຄ້າທີ່ໄດ້ສົ່ງມອບໃຫ້ລູກຄ້າ ຈໍານວນໜຶ່ງມີບັນຫາ ແລະ ຈະຕ້ອງຖືກປັບໃໝ ເປັນມູນຄ່າ 10.000.000 ກີບ, ຮອດທ້າຍປີ ຄ່າປັບໃໝຍັງບໍ່ທັນໄດ້ຈ່າຍ ຍ້ອນບໍ່ທັນໄດ້ຮັບການແຈ້ງຈາກລູກຄ້າ

ທ້າວ ກ້ຽງ ມີເງິນເດືອນ ຫຼື ເງິນປະກັນຕົນສະເລ່ຍ ຫົກເດືອນ ສຸດທ້າຍ ເທົ່າກັບ 3.500.000 ກີບ ແລະ ເສຍກໍາລັງແຮງງານຈັດໃນປະເພດທີສອງ ເທົ່າກັບ 70%.

ເຈົ້າໜ້າທີ່ສ່ວຍສາອາກອນ “ ຈີ້ບັນຊີ” ແທ້ບໍ? ແລ້ວຈີ້ຈຸດໃດເປັນສຳຄັນ ຄຳຕອບຄື ແມ່ນແທ້ຢູ່ ແຕ່ແຕກຕ່າງຈາກຜູ້ກວດສອບບັນຊີ ເນື່ອງຈາກຈຸດປະສົງເພື່ອການປະຕິບັດພັນທະພາສີອາກອນໃຫ້ຖືກຕ້ອງຄົບຖ້ວນຕາມກົດໝາຍ ເຊັ່ນ: - ຂໍ້ມູນບັນຊີທີ່ບັນທຶກ ສອດຄ່ອງກັບການແຈ້ງມອບອາກອນແທ້ບໍ - ມີການ ປິດບັງລາຍຮັບ ເພື່ອຫຼີກລ້ຽງອາກອນ ຫຼື ເພີ່ມຄ່າໃຊ້ຈ່າຍເກີນຈິງ ຫຼືບໍ່ ດັ່ງນັ້ນ, ເຈົ້າໜ້າທີ່ອາກອນຈຶ່ງ ເລີ່ມຈາກບັນຊີ ເຊັ່ນ ບັນຊີລາຍຮັບ–ລາຍຈ່າຍ, ໃບເກັບເງິນ (VAT), ໃບຮັບເງິນ, ໃບຈ່າຍເງິນ ແລະ ຫຼັກຖານອື່ນໆ ໂດຍເນັ້ນໜັກການກວດສອບດ້ານອາກອນ (Tax Audit) ໄປທີ່: - ຄວາມຖືກຕ້ອງຂອງລາຍຮັບ: ໂດຍລາຍຮັບທັງໝົດຕ້ອງຖືກສະແດງໃນບັນຊີ ແລະ ແຈ້ງມອບອາກອນໃຫ້ຄົບຖ້ວນ - ຄວາມສົມເຫດສົມຜົນຂອງຄ່າໃຊ້ຈ່າຍ: ລາຍຈ່າຍຕ້ອງເປັນຈິງ, ກ່ຽວຂ້ອງກັບກິດຈະກຳທາງທຸລະກິດ ແລະ ມີຫຼັກຖານປະກອບຕາມກົດໝາຍກຳນົດ - ເອກະສານຫຼັກຖານຢັ້ງຢືນ (Supporting Documents) ເຊັ່ນ: ສັນຍາ, ໃບເກັບເງິນອາກອນ, ໃບເກັບເງິນອື່ນໆ ຕາມແບບຟອມກະຊວງການເງິນກຳນົດ, ໃບຮັບເງິນ, ໃບໂອນເງິນ ເຊິ່ງຈຸດນີ້ແມ່ນຈຸດທີ່ອາກອນ “ຈີ້” ຫຼາຍທີ່ສຸດ - ການເຊື່ອມໂຍງລະຫວ່າງບັນຊີ ແລະ ອາກອນທີ່ກ່ຽວຂ້ອງ: ບັນຊີລາຍຮັບ ຈະຕິດພັນກັບ ອາກອນມູນຄ່າເພີ່ມສົ້ນອອກ, ບັນຊີລາຍການຈັດຊື້ ສິນຄ້າ ແລະ ບໍລິການ ຕິດພັນກັບອາກອນມູນຄ່າເພີ່ມສົ້ນເຂົ້າ, ບັນຊີລາຍຈ່າຍເງິນເດືອນ ຕິດພັນກັບ ອາກອນລາຍໄດ້ບຸກຄົນ ແລະ ອື່ນໆ ດ້ວຍເຫດນັ້ນ, ທຸລະກິດຄວນທຳຄວາມເຂົ້າໃຈກ່ຽວກັບລະບຽບການສ່ວຍສາອາກອນທີ່ຕິດພັນກັບທຸລະກິດຂອງຕົນ ເພື່ອຫຼີກລ້ຽງຄວາມສ່ຽງດ້ານອາກອນ ອັນກ້າວໄປສູ່ການປັບໄໝ ແລະ ການເພີກຖອນອະນຸຍາດຕ່າງໆ ໃນອະນາຄົດ.

ການບັນຊີ ການເກັບກຳ, ບັນທຶກ, ຈັດປະເພດ, ປະມວນຂໍ້ມູນ, ສະຫລຸບລາຍການ ເຄື່ອນໄຫວດ້ານການເງິນ ເພື່ອສ້າງເອກະສານລາຍງານການເງິນ ຂອງຫົວໜ່ວຍຖືບັນຊີ ແລະ ສະໜອງຂໍ້ ມູນດ້ານການເງິນ ...

ການບັນຊີການເງິນ (Financial Accounting) ສະເໜີຂໍ້ມູນແກ່ບຸກຄົນພາຍນອກ; ຈັດທຳຂຶ້ນພາຍໃຕ້ຂໍ້ບັງຄັບຂອງກົດໝາຍ; ຈັດທຳຂຶ້ນຕາມຫຼັກການບັນຊີທີ່ຍອມຮັບກັນທົ່ວໄປ; ຕ້ອງສະເໜີຂໍ້ມູນທີ່ຖືກຕ້ອງທ່ຽງທຳ;

ໂຄງສ້າງເງິນເດືອນ ແມ່ນການຈັດລະບົບການຈ່າຍເງິນໃຫ້ພະນັກງານ ເພື່ອຕອບແທນວຽກງານທີ່ເຂົາເຈົ້າເຮັດ. ໂຄງສ້າງນີ້ຈະມີຫຼາຍສ່ວນປະກອບ ທີ່ຂຶ້ນກັບ: - ລັກສະນະຂອງທຸລະກິດ (ເຊັ່ນ: ຂາຍສິນຄ້າ, ບໍລິການ ຫຼື ການຜະລິດ) - ຂະໜາດຂອງອົງກອນ (ນ້ອຍ, ກາງ ຫຼື ໃຫຍ່) - ນະໂຍບາຍການບໍລິຫານພະນັກງານ ໂດຍປົກກະຕິ, ໂຄງສ້າງເງິນເດືອນຈະມີສ່ວນປະກອບສຳຄັນດັ່ງນີ້: ສ່ວນປະກອບຂອງໂຄງສ້າງເງິນເດືອນ 1. ເງິນເດືອນພື້ນຖານ (Basic Salary) ເປັນເງິນຫຼັກທີ່ພະນັກງານໄດ້ຮັບ ຕາມຕຳແໜ່ງ ແລະ ໜ້າທີ່ຂອງເຂົາເຈົ້າ. ຈຳນວນເງິນຈະປັບຕາມ: ປະສົບການ, ລະດັບການສຶກສາ ແລະ ທັກສະສ່ວນຕົວ 2. ຄ່າຕອບແທນພິເສດ (Allowances) ເປັນເງິນເພີ່ມທີ່ຊ່ວຍສະໜັບສະໜູນການດຳລົງຊີວິດ ຫຼື ການເຮັດວຽກ ເຊັ່ນ: ຄ່າຄອງຊີບ, ຄ່າຕຳແໜ່ງ, ຄ່າລົດ ຫຼື ຄ່າເດີນທາງ, ຄ່າອາຫານ ແລະ ຄ່າເຊົ່າເຮືອນ 3. ຄ່າລ່ວງເວລາ (Overtime Pay) ເງິນທີ່ຈ່າຍໃຫ້ພະນັກງານ ຖ້າເຂົາເຈົ້າເຮັດວຽກເກີນເວລາປົກກະຕິ. 4. ໂບນັດ (Bonus) ເງິນເພີ່ມທີ່ໃຫ້ເປັນພິເສດ ເຊັ່ນ: ໂບນັດປະຈຳປີ (ໃຫ້ທຸກຄົນຕາມລະດູການ) ແລະ ໂບນັດຕາມຜົນງານ (ໃຫ້ຕາມຄວາມສຳເລັດຂອງແຕ່ລະຄົນ) 5. ຄ່າຄອມມິດຊັ່ນ (Commission) ເງິນທີ່ໃຫ້ພະນັກງານທີ່ສ້າງລາຍຮັບໃຫ້ທຸລະກິດ ເຊັ່ນ: ພະນັກງານຂາຍສິນຄ້າ. 6. ສະຫວັດດີການອື່ນໆ (Benefits) ສິ່ງທີ່ຊ່ວຍເບິ່ງແຍງພະນັກງານໃນໄລຍະຍາວ ເຊັ່ນ: ປະກັນສັງຄົມ, ປະກັນສຸຂະພາບ, ກອງທຶນສຳຮອງເລີ້ຍງຊີບ (ເງິນສຳຮອງສຳລັບການບຳນານ) ແລະ ເງິນຊ່ວຍເຫຼືອຕ່າງໆ (ເຊັ່ນ: ງານສົບ, ງານແຕ່ງດອງ) 7. ການຫັກເງິນ (Deductions) ເງິນທີ່ຖືກຫັກອອກຈາກເງິນເດືອນ ເຊັ່ນ: ອາກອນເງິນເດືອນ ຫລື ອາກອນລາຍໄດ້ບຸກຄົນ, ປະກັນສັງຄົມ ແລະ ເງິນກູ້ທີ່ພະນັກງານຢືມ ແລະ ອື່ນໆ ການກຳນົດໂຄງສ້າງເງິນເດືອນຕາມຂະໜາດທຸລະກິດ 1. ທຸລະກິດຂະໜາດນ້ອຍ (SMEs) ໂຄງສ້າງງ່າຍໆ ໂດຍເນັ້ນ: ເງິນເດືອນພື້ນຖາ, ສະຫວັດດີການຂັ້ນພື້ນຖານ ແລະ ອາດມີໂບນັດ ຫຼື ຄ່າຄອມມິດຊັ່ນ ຖ້າມີຍອດຂາຍ ຫຼື ກຳໄລດີ. 2. ທຸລະກິດຂະໜາດກາງ ເພີ່ມຄ່າຕອບແທນພິເສດ ເຊັ່ນ: ຄ່າເດີນທາງ, ຄ່າເຊົ່າເຮືອນ, ມີໂບນັດປະຈຳປີ ຖ້າທຸລະກິດໄປໄດ້ດີ ແລະ ໂຄງສ້າງສາມາດປັບໄດ້ຕາມຕຳແໜ່ງ. 3. ທຸລະກິດຂະໜາດໃຫຍ່ ໂຄງສ້າງສັບຊ້ອນ ແລະ ແບ່ງຕາມ: ລະດັບຕຳແໜ່ງ, ສາຍອາຊີບ, ມີການປະເມີນຜົນງານ (KPI) ເພື່ອກຳນົດເງິນເດືອນ ແລະ ໂບນັດ, ສະຫວັດດີການຄົບຄຸມ ເຊັ່ນ: ປະກັນສຸຂະພາບລະດັບສູງ ແລະ ອື່ນໆ ແລ້ວທ່ານເດ ມີຄຳເຫັນແນວໃດ ແລກປ່ຽນກັນໄດ້ ກັບທີມງານ: Bansi Academy